محەممەد عەفیدی، هاوڵاتی دانیشتووی شاری مهاباد پاش بانگهێشتکردنی بۆ ئیدارەی ئیتلاعاتی مهاباد دەستبەسەر کرا و بۆ دەستبەسەرگەی ئیدارەی ئیتلاعاتی ورمێ گواسترایەوە.
بە پێی ڕاپۆرتی کۆڵبەرنیوز، ڕۆژی سێشەممە ١١ی بەفرانباری ١٤٠٣ محەممەد عەفیدی، هاوڵاتی تەمەن ٢٨ ساڵی خەڵکی شاری سەردەشت و دانیشتووی گوندی «سەهۆڵان»ی سەر بە شاری مهاباد لەلایەن هێزە ئەمنییەکانی مهابادەوە دەستبەسەر کرا. بەپێی ئەم ڕاپۆرتە ئەم هاوڵاتییە پاش بانگهێشتکردنی بۆ ئیدارەی ئیتلاعاتی مهاباد دەستبەسەر کرا و پاشان بە مەبەستی لێپرسینەوە لەگەڵیدا بۆ دەستبەسەرگەی ئیدارەی ئیتلاعاتی ورمێ گواسترایەوە.
تا کاتی نووسینی ئەم ڕاپۆرتە زانیارییەک لە هۆکاری دەستبەسەرکران و ئەو تۆمەتانەی دراونەتە پاڵ ئەم هاوڵاتییە لەبەردەستدا نییە.
