سەعدون شەریفی، سلێمان چوپانی و عەلی حسێن پوور ٣ هاووڵاتی شاری پیرانشار لەلایەن هێزە ئەمنیەکانی پیرانشار دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز پێنجشەمە ١٥ی خەرمانانی ١٤٠٣ هێزە ئەمنیەکانی پیرانشار ٣ هاووڵاتی دەستبەسەر کرد. سەعدون شەریفی خەڵکی گوندی گرداسە، سلێمان چوپانی خەڵکی گردکەشانە و عەلی حسێن پوور خەڵکی گوندی چیانە لەلایەن هێزە ئەمنیەکان دەستبەسەرکران. بەپێی ئەم ڕاپۆرتە، هێزە ئەمنیەکان بەبێ بڕیاری دادگا ئەم هاووڵاتیانە دەستبەسەرکرد و بۆ شوێنیکی نادیار گوازرانەوە.
تا کاتی نووسینی ئەم ڕاپۆرتە لە هۆکارەکانی دەستبەسەری و تۆمەتەکانی دژی ئەم هاووڵاتیانە زانیاریەک لە بەردەستدا نییە.
