“مەنیژە خۆشنود”، هاووڵاتی شاری بۆکان، سەرەڕای تێپەڕبوونی ٨ ڕۆژ بەسەر دەستبەسەرکرانی هێشتا دەستبەسەر و لە دۆخێکی نادیاردا بەسەردەبات. بێ ئاگایی لە دۆخی ئەم هاووڵاتییە، نیگەرانی بنەماڵە و ئازیزانی ناوبراوی زیاتر کردووە.
بەپێی ڕاپۆرتی کۆڵبەرنیوز مەنیژە خۆشنود، هێشتا دەستبەسەرە. مەنیژە خۆشنود، ڕۆژی چوارشەممە ١٠ی گەلاوێژی ١٤٠٣، لەلایەن هێزە ئەمنیەکانەوە دەستبەسەر و بۆ شوێنێکی نادیار گوازسترایەوە. هەروەها هێزەکان دەستیان بەسەر کەرەستەی تایبەتی وەکو تەلەفونی ناوبراودا گرتووە. سەرەڕای بەدواداچوونەکانی بنەماڵەی ناوبراو لە ناوەندی پێوەندیدار تا ئێستا لە شوێنی مانەوەی ناوبراو زانیارییەک لە بەردەستدا نییە. ئەمەش نیگەرانی بنەماڵە و ئازیزانی ئەم هاووڵاتییە دەستبەسەرکراوەی زیاتر کردووە.
تا کاتی نووسینی ئەم ڕاپۆرتە، لە هۆکارەکانی دەستبەسەرکران و تۆمەتەکانی دژی ئەم هاووڵاتییە زانیارییەک لە بەردەستدا نییە.
مەنیژە خۆشنود، ٥٦ ساڵ تەمەن و خەڵکی شاری بۆکانە.
