لە کاتی ڕاوەدوونانیدا هێزەکانی هەنگی مەرزی بانە بە ئەنقەست بەسەر کۆلبەرێکی خەڵکی شاری سەردەشتدا بە ماشین ڕۆشتن و کوشتیان.
بە پێی ڕاپۆرتی کۆڵبەرنیوز، ڕۆژی شەممە ١٤ی گەلاوێژ، هێزەکانی هەنگی مەرزی کە لە سنووری گوندی “شیلمان” ی بانە جێگیر بوون، بە ئەنقەست بە ماشین بەسەر کۆلبەرێکدا رۆشتن و لە کاتی ڕاوەدوونانیدا کوشتیان.
بەپێی ئەم ڕاپۆرته ناسنامەی ئەم کۆڵبەرە “رەسوڵ گاگشی”، نزیک ٥٠ ساڵ، خەڵکی گوندی “کانی زەرد” سەر به شاری سەردەشتە. خێزاندارە و خاوەنی پێنج منداڵە.
پێویستە بگوترێ تەرمی ئەم کۆڵبەرە لە نەخۆشخانەی سەلاحەدین ئەیوبی لە شاری بانەیە و تا ئێستا ڕادەستی بنەماڵە نەکراوە.
بە پشتبەستن بەو ئامارانەی لە ٦ مانگی یەکەمی ساڵی ٢٠٢٣ دا لە کۆلبەر نیوز تۆمارکراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە ، بەفربارین و بەستەڵەکی. لە کۆی ئەم کۆیە ١١ کۆلبەر (١٨%) کوژراون و ٥٠ کۆلبەر (٨٢%) بریندار بوون، لە کۆی گشتی ٦١ کۆلبەر کە کوژراون و بریندار بوون، ٤٢ حاڵەت (٦٩%) بەهۆی تەقەی ڕاستەوخۆی هێزە سەربازییەکان بووە.
