«نیما ڕازیانی»، هاووڵاتییەکی خەڵکی شاری کرماشان، لە بریندارانی نارەزایەتییەکانی ئەم دووایەیە کە لەلایەن هێزە ئەمنییەکانی کۆماری ئیسلامیی ئێرانەوە دەستبەسەر کراوە.
بەپێی ڕاپۆرتی کۆڵبەرنیوز، ڕۆژی پێنجشەممە ٩ی رێبەندانی ١٤٠٤، نیما ڕازیانی لە گەڕەکی پەردیسی کرماشان لەلایەن هێزە ئەمنییەکانی کۆماری ئیسلامیی ئێرانەوە دەستبەسەر کرا. ئەم هاووڵاتییە گەنجە پێشتر لە کاتی کۆبوونەوە ناڕەزایەتییەکانی ئێوارەی پێنجشەممە ١٨ی بەفرانباردا، بە تەقەی راستەوخۆی چەکی ساچمەیی هێزەکانی رژیم کراوەتە ئامانج و برینداربووە، کە لە ئاکامدا بینایی یەکێک لە چاوەکانی لەدەستداوە.
دەستبەسەرکرانت ئەم هاووڵاتییە لە کاتێکدا ڕوویداوە کە ناوبراو بە یەکێک لە بریندارە ڕاستەوخۆکانی سەرکوتەکانی نارەزایەتییە جەماوەرییەکان دادەنرێت و پێشتریش لە ژێر فشارە ئەمنییەکاندا بووە.
