سەرەڕای تێپەڕینی پێنج ڕۆژ لە دەستبەسەرکرانی مەولوود خالدی، هاوڵاتی خەڵکی شنۆ، هێشتا چارەنووسی ناوبراو نادیارە. بەهۆی نەبوونی زانیاری لە دۆخی ئەم هاوڵاتییە بنەماڵەکەی نیگەرانن.

بەپێی ڕاپۆرتی کۆڵبەرنیوز ڕۆژی دووشەممە ٢٤ سەرماوەزی ١٤٠٤، مەولوود خالدی هاوڵاتی تەمەن ٣٣ ساڵ خەڵکی گوندی «میرئاوا» لە شاری شنۆ لەلایەن هێزەکانی ئیتلاعاتی سوپا دەستبەسەرکرا و بۆ شوێنێکی نادیار گواسترایەوە. بەپێی ئەم ڕاپۆرتە، هێزەکانی ئیتلاعاتی سوپا هێرشیان کردەسەر ماڵی مەولوود خالدی و بەبێ بڕیاری دادوەر دەستبەسەرکراوە.
سەرەڕای تێپەڕینی پێنج ڕۆژ لە دەستبەسەریی ئەم هاوڵاتییە، هێشتا شوێنی زیندانیی و هۆکارەکانی دەستبەسەریی ناوبراو نادیارە.

