بەهۆی نەبوونی سەلامەتی ژینگەیی و نەگونجاوی بارودۆخی کارکردن، خالید عوسمانی کرێکاری بیناسازی خەڵکی شاری بانە بە هۆی کەوتنەخوارەوەی لە باڵەخانە بە سەختی بریندار بوو.
بەپێی ڕاپۆرتی کۆلبەرنیوز، ڕۆژی سێشەممە ٩ی ڕەزبەری ١٤٠٢، بەهۆی نەبوونی ئەمنیەتی ژینگە و بارودۆخی نەشیاوی کارکردن، خالید عوسمانی، کرێکاری بیناسازی تەمەن ٣٩ ساڵ خەڵکی شاری بانە، بەهۆی کەوتنەخوارەوەی لە بیناکە بە سەختی بریندار بوو.
بەپێی ئەم ڕاپۆرته خالید عوسمانی لە کاتی کارکردن لەسەر بیناکه له بەرزاییەوه دەکەوێتە خوارەوە و تووشی شکان لە دوو بەشی مەچەکی دەستی و هەروەها شکانی یەکێک له بڕبڕەکانی پشتی بووە. جێگای ئاماژەیە کە ئەم کرێکارە بیناسازییە بریندارە لە ئێستادا لە یەکێک لە نەخۆشخانەکانی تەورێز خەوێندراوە.
خالد عوسمانی کرێکاری بیناسازی و ئەندامی سەندیکای کرێکارانی بیناسازی شاری بانەیە.
