محەممەد جوخور (ئەمینی‌فەر) دانیشتووی نەغەدە لەلایەن هێزە ئەمنییەکانی ڕژێمەوە دەستبەر کرا و بۆ یەکێک لە بەندیخانەکانی ورمێ گوازرایەوە.
بەپێی ڕاپۆرتی کۆڵبەرنیوز، ڕۆژی دووشەممە یازدەی بەفرانباری ١٤٠٢, هاووڵاتییەک لە نەغەدە دەستبەسەر کرا. ناسنامەی ئەم هاوڵاتییە محەممەد جوخور (ئەمینی‌فەر) دانیشتووی گوندی عەلی ئاوا لە نەغەدە ڕاگەیەندراوە.
بەپێی راپۆرتەکە، هێزەکانی ڕژێم بەبێ بڕیاری دادگا ڕۆیشتوونەتە ماڵی ناوبراو و دەستگیریان کردووە. ناوبراو دوای بەندکردن بۆ یەکێک لە بەندیخانەکانی ڕژێم لە ورمێ گوازرایەوە.
تا ئێستا زانیارییەک لەسەر هۆکاری بەندکردن و تۆمەتەکان لەدژی ناوبراو لە بەردەستدا نییە.
