بەهۆی تەقینەوەی مین لە بەرزاییەکانی سنوری کێلەشینی شنۆ، هاوڵاتیەک کوژرا و ٢ هاوڵاتی دیکە برینداربوون.
بەپێی ڕاپۆرتی کۆڵبەرنیوز ڕۆژی سێشەمە ١ی جۆزەردانی ١٤٠٣، بەهۆی تەقینەوەی مینێک لە بەرزاییەکانی شاخی کێلەشینی شنۆ، هاوڵاتیەک کوژرا و ٢ هاوڵاتی دیکە برینداربوون.
ناسنامەی هاوڵاتی کوژراو «ئیسماعیل عەزوزمە» ٣٦ ساڵە، خێزاندار و خەڵکی گوندی «میراوا» سەربە شاری شنۆ بۆ کۆڵبەرنیوز ڕاگەیەندراوە. ناسنامەی ئەو ٢هاووڵاتیە، سەید هادی و سەید هێمن موسەویە.
شایانی باسە ئەم هاوڵاتیانە بۆ کۆکردنەوەی گیای بەهاری بۆ ئەم ناوچەیە ڕۆشتبوون.
لە ١ مانگی ڕابردوودا، ٢ هاوڵاتی دیکە بەهۆی تەقینەوەی مینێک لە بەرزاییەکانی سنوری شاری شنۆ کوژران.
