کۆڵبەرێکی خەڵکی شاری سەردەشت بە تۆمەتی سیخوڕی بۆ ئیسرائیل بە لەسێدارەدان مەحکووم کرا.
بەپێی ڕاپۆرتی کۆڵبەرنیوز، لقی ٣ی دادگای ڕژیم لە شاری ورمێ بە بڕیاری دادوەری ڕژیم “ڕەزا نەجەف زادە”، “ئیدریس ئالی” کۆڵبەری تەمەن ٣١ ساڵ خەڵکی شاری سەردەشت بە تۆمەتی “سیخوڕی بۆ ئیسرائیل” بە لەسێدارەدان مەحکووم کرا.
لە بەڵگەنامەی ناوبراو بە گشتی ٨ کۆڵبەری دیکە لە شارەکانی سەردەشت، بۆکان و سەقز دەستبەسەرکراون کە ٥ لەو کۆڵبەرانە بە دانانی بارمتە ئازاد کراون و ٣ کۆڵبەر لەوانە هێشتا لە زیندانن و حوکمی ٢ لەو کۆڵبەرانە نادیارە.
ناوبراو لە ماوەی دەستبەسەریدا تا ئێستا لە هەبوونی پارێزەر بێبەش بووە و سەرچاوەکانی ئاگادار لە ئەشکەنجەدانی ئەم کۆڵبەرە بۆ وەرگرتنی دانپێدانانی زۆرەملێ لە ماوەی دەستبەسەریدا ڕایگەیاندووە.
ناوبراو نزیکەی ٣ مانگ پێش ئێستا لە سنووری شاری سەردەشت لەگەڵ هەرێمی کوردستان لەلایەن هێزەکانی سوپاس پاسدارانەوە دەستبەسەرکرا.
