خەلیل فەخری و ڕەسوڵ فەخری، ٢ هاوڵاتی شاری بانە بە تێپەڕینی زیاتر لە ٣ حەوتوو هێشتا دەستبەسەرن و چارەنووسیان لە گرتووخانەی ئیدارەی ئیتلاعاتی سنە نادیارە.
بەپێی ڕاپۆرتی کۆڵبەرنیوز، ڕۆژی سێشەممە ١٣ی سەرماوەزی ١٤٠٣ خەلیل فەخری تەمەن ٥٣ ساڵ و ڕەسووڵ فەخری تەمەن ٥٢ ساڵ، ٢ هاوڵاتی شاری بانە لەلایەن هێزە ئەمنییەکانی سنەوە دەستگیر کراون و بۆ گرتووخانەیەکی ئەمنی شاری سنە گواسترانەوە. بەپێی ئەم ڕاپۆرتە بە تێپەڕینی ٢٣ ڕۆژ لە دەستگیری ئەم ٢ هاوڵاتییە هێشتا زانیارییەک لە چارەنووسیان لەبەردەستدا نییە. نەبوونی زانیاری لە چارەنووسی ئەم ٢ هاوڵاتییە نیگەرانی بنەماڵەکانیانی زیاتر کردووە.
تا کاتی نووسینی ئەم ڕاپۆرتە هیچ زانیارییەک لە هۆکاری دەستگیری، شوێنی مانەوە و ئەو تۆمەتانەی ئاراستەی ئەم ٢ هاوڵاتییە کراون لەبەردەستدا نییە.
