سێپیدە ڕەشنۆ، نووسەر، شاعیر و چالاکی مەدەنی بۆ زیندانی ئێڤین بانگهێشتکرا.
بە پێی ڕاپۆرتی کۆڵبەرنیوز ڕۆژی سێشەممە ١٨ی بەفرانباری ١٤٠٣، بە پێی بانگهێشتنامەیەک کە بۆ سێپیدە ڕەشنۆ نێردراوە، ئەم چالاکە دەبێت لە ماوەی پێنچ ڕۆژی داهاتوودا خۆی بە لقی جێبەجێکردنی سزاکانی دادگای گشتی و شۆڕشی بەشی ٣٣ی تاران لە زیندانی ئێڤین ڕادەست بکات تا سزای سێ ساڵ و حەوت مانگ بەندی دواخراوی خۆی کە پێشتر بەهۆی دژایەتی لەگەڵ حیجابی زۆرەملێ دەرکرابوو، لە زیندانی ئێڤین بەسەر ببات.
سێپیدە ڕەشنۆ، لە ساڵی ١٤٠١ بەهۆی هەڵوێست وەرگرتن دژی حیجابی زۆرەملێ دەستبەسەرکرا و سزای زیندانی هەڵپەسێردراوی بۆ دەرچووبوو. سەرەڕای ئەمەش، ئەم چالاکە لە بەڵگەنامەیەکی دیکەدا بەهۆی دواکەوتن لە زانکۆ بە چوار مانگ بەندی تەعزیری و لە بەڵگەنامەیەکی دیکەدا بەهۆی ئامادەبوونی لە دادگا بەبێ حیجاب بە ملیۆنێک و نیو تمەن سزای نەقدی سزادرا. هەروەها دەزگای یاسایی کۆماری ئیسلامی، ڕۆشتنە دەرەوەی وڵاتی لە ئەم چالاکە قەدەغە کردووە.
