ئایدا عەموویی، چالاکی مەدەنی و مافی ژنان لە شاری سنە لەلایەن هێزە ئەمنییەکانەوە دەستبەسەر کرا و بۆ شوێنێکی نادیار گواسترایەوە.
بە پێی ڕاپۆرتی کۆڵبەرنیوز، ڕۆژی شەممە ٢٩ی بەفرانباری ١٤٠٣ ئایدا عەموویی، چالاکی مەدەنی و مافی ژنان لە شاری سنە لەلایەن هێزە ئەمنییەکانەوە لە شوێنی کارەکەی دەستبەسەر کرا و بۆ شوێنێکی نادیار گواسترایەوە. بە پێی ئەم ڕاپۆرتە ئەم چالاکە مەدەنییە لە ڕۆژانی ڕابردوودا چەندین جار هەڕەشەی لێکرا و بانگهێشت کرا بوو بۆ ناوەندە ئەمنییەکان. هێزە ئەمنییەکان بەبێ بڕیاری دادوەر ئەم هاوڵاتییەیان دەستبەسەر کردووە.
تا کاتی نووسینی ئەم ڕاپۆرتە هۆکارەکانی دەستبەسەری، شوێنی مانەوە و تۆمەتەکانی دژی ئەم هاوڵاتییە ڕوون نییە.
