گەنجێکی کۆڵبەری خەڵکی جوانڕۆ بە تەقەی ڕاستەوخۆی هێزەکانی هەنگی مەرزی، بە سەختی بریندار بوو.
بە پێی ڕاپۆرتی کۆڵبەرنیوز، ڕۆژی سێشەممە ٢٠ی پووشپەڕی ساڵی ١٤٠٢، هێزەکانی هەنگی مەرزی لە ناوچەی سنووریی نوسوود تەقەیان لە کۆمەڵێک کۆڵبەر کردووە کە لە ئەنجامدا گەنجێکی کۆڵبەری خەڵکی شاری جوانڕۆ بە ناسنامەی “ڕامین کەریمی” لاقی پێکراوە و بە سەختی بریندار بووە.
بە پێی ئەم ڕاپۆرتە ڕامین کەریمی بۆ وەرگرتنی چارەسەر گواستراوەتەوە بۆ نەخۆشخانە و نەشتەرگەری بۆ ئەنجام دراوە.
بە پشتبەستن بەو ئامارانەی لە ٦ مانگی یەکەمی ساڵی ٢٠٢٣دا لە کۆلبەر نیوز تۆمارکراون، بە گشتی ٦١ کۆلبەر لە ناوچە سنوورییەکان و ڕێگاکانی نێوان پارێزگاکانی ئازەربایجانی ڕۆژئاوا، کوردستان و کرماشان بە هۆکارگەلی وەک تەقەی ڕاستەوخۆی هێزە نیزامییەکانی ڕژیم، مانەوە لە بەفر و بەستەڵەکدا گیانیان لەدەست داوە. لەم ڕێژەیە، ١١ کۆڵبەر واتە (١٨%) کوژراو و ٥٠ کۆڵبەر (٨٢%) بریندار بوون.
لە کۆی گشتی ٦١ کۆڵبەری کوژراو و بریندار، ٤٢ حاڵەت واتە (٦٩%) بە تەقەی ڕاستەوخۆی هێزە چەکدارەکان بووە.
