بەڕێوەچوونی ڕیوڕەسمی ڕێزگرتن لە رۆژی جیهانی ژن لە شاری نەغەدە
بە پێ هەواڵی گەیشتوو دوانیمەڕۆی ڕۆژی سێ شەممە 17ی ڕەشەممە ڕێوڕەسمی ڕۆژی جیهانی ژن بە بەشداری کۆڕێکی زۆر لە ژنان و پیاوانی ئازادیخواز و یەکسانی خواز لە شاری نەغەدە بەڕێوەچوو.
ڕیوڕەسمەکە بە سروودی ئەنترناسیۆناڵ، سرودی هاوپشتی چینی کرێکار دەستی پێ کرد، پاشان بە یادی هەموو ژنان و پیاوانی گیانبەختکردوو، بەتایبەت ژنانی قوربانی قەتڵی نامووسی و فەرهەنگی دواکەوتوو و پیاوسالارانە دەقیقەیەک بێدەنگی ڕاگیرا.
لە درێژەدا ژمارەیەک لە بەشداربووان سەبارەت بە مێژو و تایبەتمەندیەکانی بزووتنەوەی ژنان دژ بە فەرهەنگی پیاو سالارانە و ئایینی قسە و باسێکیان پێشکەش کرد.
لە کۆتاییدا بڕیارنامەی ئەم ڕێوڕەسمە خوێندرایەوە و ئەم رێوڕەسمە لە ناو شایی و خۆشی بەشداربووان کۆتایی پێ هات.
