“مەتین حەسەنی”، هاووڵاتی دانیشتووی شاری بۆکان یەکێک لە بریندارانی ناڕەزایەتییەکانی خەزەڵوەری ٩٨ بە ڕاگەیەندراوێک بۆ دادگەی ئەم شارە بانگهێشت کرا.
بەپێی ڕاپۆرتی کۆڵبەرنیوز، مەتین حەسەنی یەکێک لە بریندارانی ناڕەزایەتییەکانی خەزەڵوەری ٩٨ بۆ دادگای بۆکان بانگهێشت کرا. بەپێی ڕاگەیەندراوێک لە ٣٠ی خاکەلێوەی ١٤٠٣، لەلایەن لقی یەکی لێکۆڵینەوەی دادگای بۆکان بە سەرۆکایەتی لێکۆڵەر “مەهدی فەخری” دەرچووە و بە “مەتین حەسەنی”ڕاگەیەندراوە، داوا لە ناوبراو کراوە کە لە ماوەی ٥ ڕۆژدا بۆ کۆتا بەرگری سەبارەت بە تۆمەتی «چالاکی دژی نیزام» لەم لقە ئامادەبێت.
لە ٣ی ڕێبەندانی ١٤٠٢، مەتین حەسەنی لەلایەن هێزە ئەمنییەکان بەبێ بڕیاری دادگا لە ماڵی بنەماڵەکەی دەستبەسەرکرا و دوای مانگێک بە دانانی بارمتە لە زیندانی بۆکان ئازادکرا.
مەتین حەسەنی لە تەمەنی ١٩ ساڵیدا لە کاتی ناڕەزایەتییە سەرتاسەرییەکانی خەزەڵوەری ٩٨ لە شاری بۆکان، بە تەقەی هێزە ئەمنییەکان بینایی چاوێکی لەدەستدا.
