شەپۆلی دەستبەسەرکردنەکان لە شارەکان و گوندەکانی کوردستان بەردەوامە و لە هەفتەی ڕابردوودا لانیکەم ٢٠ هاوڵاتی دەستبەسەرکراون. بەیانی دووشەممە ١٧ سەرماوەز، دوو هاوڵاتی دیکە لە بۆکان بەبێ بڕیاری دادوەر دەستبەسەرکراون و بۆ شوێنێکی نادیار گواسترانەوە.
بەپێی ڕاپۆرتی کۆڵبەرنیوز، سەرلەبەیانی دووشەممە ٧ سەرماوەزی ١٤٠٤، هێزەکانی ئیدارەی ئیتلاعاتی کۆماری ئیسلامی ئێران دوو هاوڵاتی بە ناوانی «کاوە کولە و قادر کولە» خەڵکی گوندی «کانی ڕەش» لە بۆکان دەستبەسەرکردووە و بۆ شوێنێکی نادیار گواسترانەوە.
ئەم دەستبەسەرکرانە بەبێ بڕیاری دادوەر و لە ماڵەکانیاندا ئەنجامدراوە و بنەماڵەکانیان لە ڕۆژی دەستبەسەرکران تا ئێستا لە شوێنی زیندانیی، هۆکاری دەستبەسەریی یان دۆخیان ئاگادارنین.
تا کاتی نووسینی ئەم ڕاپۆرتە چارەنووسی «قادر کولە و کاوە کولە» نادیارە و لەبارەی بەردەوامی شەپۆلی دەستبەسەرکران لە شارەکانی کوردستان نیگەرانییەکان زیادی کردووە.
