ڕەوشی تەندروستی بێهروز مورادی، کۆڵبەرێکی خەڵکی سەلاس باباجانی کە بە تەقەی ڕاستەوخۆی هێزەکانی هەنگی مەرزی لە سنووری نۆدشە بریندار ببوو، ناجێگیر ڕاگەیاندراوە.
بەپێی ڕاپۆرتی کۆلبەرنیوز، ڕەوشی تەندروستی بێهروز مورادی، کۆلبەرێکی خەڵکی سەلاس باباجانی کە شەوی پێنجشەممە ٢٠ی ڕەزبەری ١٤٠٢ لە سنووری نۆدشە بە تەقەی ڕاستەوخۆی هێزەکانی هەنگی مەرزی بریندار ببوو، ناجێگیر ڕاگەیاندراوە.
بەپێی ئەم ڕاپۆرتە، ئەم کۆڵبەرە لە “پشت” یەوە تەقەی لێ کراوە و بەهۆی سەختی برینەکانییەوە گواسترابوویەوە بۆ نەخۆشخانەی قودس لە شاری پاوە. ناوبراو نەشتەرگەری بۆ کراوە و تا ئێستاش باری تەندروستی جێگای نیگەرانییە.
جێگای ئاماژەیە کە شەوی پێنجشەممە ٢٠ی ڕەزبەری ١٤٠٢، هێزەکانی هەنگی مەرزی تەقەیان لە کۆمەڵێک کۆلبەر کردووە و لە ئەنجامدا ژمارەیەک لە کۆلبەرەکان بریندار بوون.
ناسنامەی ئەو سێ کۆلبەرە بریندارەی کۆلبەرنیوز پشتڕاستی کردۆتەوە بریتین لە عیماد مەحمودی، هیدایەت قادری و بێهروز مورادی کە خەڵکی سەلاس باباجانی و جەوانڕۆن.
