ئێوارەی ڕۆژی چوارشەممە ٢٢ی خەرمانانی ١٤٠٢، گەنجێکی کۆلبەر بە ناوی “ئەحمەد عوسمان محەممەدیان” بەهۆی تەقەی ڕاستەوخۆی هێزەکانی هەنگی مەرزییەوە لە سنووری تەتەی هەورامان بە سەختی بریندار بوو و ڕەوانەی نەخۆشخانە کرا.
بەپێی ڕاپۆرتی کۆڵبەرنیوز، ئێوارەی ڕۆژی چوارشەممە ٢٢ی خەرمانانی ١٤٠٢، کۆلبەرێک بە ناوی “ئەحمەد عوسمان محەممەدیان”، تەمەن ٢٤ ساڵ، خەڵکی گوندی “دەرەکێ” سەر بە شاری مەریوان، بە تەقەی ڕاستەوخۆی هێزەکانی هەنگی مەرزی تەتەی هەورامان بە سەختی بریندار بوو.
بەپێی ئەم ڕاپۆرتە، ئەم گەنجە کۆڵبەرە لە “دەست” و “لاق”ەوە تەقەی لێ کراوە و بە مەبەستی چارەسەری بۆ نەخۆشخانەی “بوعەلی سینا” لە شاری مەریوان گوازراوەتەوە.
دەوترێت کە ناوبراو بەهۆی سەختی برینەکەیەوە نەشتەرگەری بۆ کراوە و تا ساتی نووسینی ئەم ڕاپۆرتە هیچ زانیارییەکی دروست لە بارەی باری تەندروستیەوە نییە.
