بەرەبەیانی ڕۆژی هەینی ١٨ی جۆزەردانی ١٤٠٣، لە ڕووداوێکی هاتوچۆدا لە نزیک “بانی گوڵان”ی شاری جوانڕۆ، ١٨ کرێکاری وەرزی گیانیان لەدەستدا و برینداربوون.
بەپێی ڕاپۆرتی کۆڵبەرنیوز، ئۆتۆمبێلێکی جۆری نیسان “وانت” کە ژمارەیەک کرێکاری وەرزیی هەڵگرتبوو، لە نزیک بانی گوڵانی شاری جوانڕۆ، لەگەڵ ئۆتۆمبێلێکی جۆری “دێنا” پێکدادران، کە لە ئەنجامدا کرێکارێک بەناسنامەی “فاتح دەروێشی” خەڵکی شاری جوانڕۆ گیانی لەدەستدا و ١٧ کرێکاری دیکەش بەسەختی برینداربوون.
بەشێک لە بریندارانی ئەم ڕووداوە بەهۆی نالەباری بارودۆخیان بۆ نەخۆشخانەکانی شاری کرماشان گواسترانەوە و ئەوانی دیکەش لە شاری جوانڕۆ چارەسەری پێویستیان بۆ دەکرێت.
ئێران جگە لەوەی یەکێک لە نائەمنترین وڵاتانی جیهان بۆ کرێکاران، لەڕووی نائارامی ڕێگاوبانەکانی گواستنەوەش یەکێکە لەو وڵاتانەی کە زۆر ڕووبەڕووی ڕووداو دەبێتەوە.
