“کوروش شەریف پوور” هاووڵاتی شاری دیواندەرە لەلایەن هێزە ئەمنیەکانی ئەم شارەوە دەستبەسەرکرا.
بەپێی ڕاپۆرتی کۆڵبەرنیوز ڕۆژی پێنجشەممە ٤ی پووشپەڕی ١٤٠٣، “کوروش شەریف پوور” خەڵکی گوندی “ڕەشیداوا”ی سەربە شاری دیواندەرە دەستبەسەرکرا.
بەپێی ئەم ڕاپۆرتە، ئەم هاووڵاتییە بەبێ بڕیاری دادگا لە شوێنی کارەکەیدا دەستبەسەر و بۆ یەکێک لە گرتووخانە ئەمنییەکانی شاری سنە گواستراوەتەوە.
پاش دەستبەسەرکرانی ناوبراو هێزە ئەمنییەکان ماڵەکەیان پشکنیووە.
تا ئێستا لە هۆکاری دەستبەسەرکران و تۆمەتەکانی دژی ئەم هاووڵاتییە زانیارییەک لە بەردەستدا نییە.
