ڕۆژی هەینی ٢٧ی ڕێبەندانی ١٤٠٢ “سیامک ستوودە” نووسەر و چالاکی سیاسی چەپ، لە شاری تۆرۆنتۆی کانادا بەهۆی نەخۆشییەوە کۆچی دوایی کرد.
بەپێی ڕاپۆرتی کۆڵبەرنیوز، “سیامەک ستوودە” زیاتر لە ٥٠ ساڵ لە دژی دوو ڕژیمی دیکتاتۆری شا و کۆماری ئیسلامی خەباتی کرد.
لەگەڵ سێ هاوڕێی دیکەی، کاتێک هێشتا ڕەخنە لە ئایین تابو بوو، “گۆڤاری ڕۆشنگەر” ی لە تۆرۆنتۆ دامەزراند و چەند ساڵێکیش بە ئاشکراکردنی خورافاتەکانی ناو ئایین خەریک بوون.
جگە لەوەی سەرنووسەری گۆڤاری ڕۆشنگەر بووە، چەندین کتێب و وتاریشی لە دژی دوو دەسەڵاتی دیکتاتۆری شا و کۆماری ئیسلامی نووسی و ئەنجام داوە.
لە کتێبەکانی دەتوانین بە “باسی تیرۆریسمی ئیسلامی” و “ژن و سێکس لە مێژوودا” و “مێژووی نەگێڕدراوی ئیسلام” ئاماژە بکەین.
