سەمیرا ئەحمەدی یەکێک لە چالاکانی مەدەنی خەڵکی شاری سەقز لەلایەن دادگای شۆڕشی ئیسلامی بە ٣ ساڵ بەندکرانی تەعزیری سزا درا
بە پێی ڕاپۆرتی کۆڵبەرنیوز، لە ڕۆژانی ڕابردوو سەمیرا ئەحمەدی، چالاکی مەدەنی خەڵی شاری سەقز لەلایەن لقی یەکی دادگای شۆڕشی ئەوشارە بە سەرۆکایەتی دادوەر جەواد مستەفایی و بە تۆمەتی “بەشداری لە کۆبوونەوە و هاوکاری بە مەبەستی تێکدانی ئاسایشی وڵات” سزای ٣ ساڵ بەندکرانی بەسەردا سەپێندرا کە ڕۆژانی دەاتبەسەرکرانی و دوو ساڵ قەدەغەی جێهێشتنی وڵاتی تێدابوو.
شایانی باسە چوارشەممە ٢٢ خەرمانانی ١٤٠٢، سەمیرا ئەحمەدی یەکێک لە چالاکانی مەدەنی سەقز ،کاتژمێر یازدەی پێشنیوەڕۆ لەلایەن هێزەئەمنیەکانەوە دەستبەسەر و بۆ شوێنێکی نادیار گوازرایەوە. دواجار دوای ٣٤ ڕۆژ دەستبەسەرکران، سێشەممە ٢٥ ڕەزبەری ١٤٠٢ بە دانانی کەفالەتی ٩٠٠ ملیۆن تمەنی بە شێوەی کاتی و تا کاتی دادگایی کردنی لە زیندان ئازاد کرا
