خانه‌نشیكراوانی “ته‌ئمینی ئیجتماعی ئوستانی كرماشان، رۆژی یه‌كشه‌ممه ٢٢ی مانگی ڕه‌شه‌ممه، به به‌ڕێوه‌بردنی كۆبوونه‌وه‌یه‌ك ناڕه‌زایه‌تی خۆیان له به‌رانبه‌ر هه‌بوونی نایه‌كسانی و نادادپه‌روه‌ری ده‌ربڕی و خوازیاری چاره‌سه‌ر كردنی كێشه‌كانیان بوون.
له‌و كۆبوونه‌وه‌یه‌دا خانه‌نشینكراوان به ئاماژه‌دان به قه‌یرانی ئابووری و هه‌ڵاوسان له ئێران دا، خوازیاری یه‌كسانی له نێوان ئاستی حقووقه‌كانیان له‌گه‌ڵ ئاستی گرانی و هه‌ڵاوسان له بازاڕه‌كاندا و جێبه‌جێ كردنی گه‌ڵاڵه‌ی هاوسان كردنی حقووقی مانگانه‌ی خانه‌نشینكراوان و چاره‌سه‌ر كردنی كێشه‌ی بیمه ده‌رمانیه‌كانیان بوون.
