“عوسمان گەلاوێژی” هاووڵاتی شاری پیرانشار بە دانانی بارمتە بەشێوەیەکی کاتی و تا کۆتایی هاتنی پرۆسەی دادگا لە گرتوخانەی نەغەدە ئازاد کرا.
بەپێی ڕاپۆرتی کۆڵبەرنیوز، ڕۆژی سێشەمە ١٩ی پووشپەڕی ١٤٠٣، “عوسمان گەلاوێژی” هاووڵاتی شاری پیرانشار ئازاد کرا. ئازادی ئەم هاووڵاتیە بە دانانی بارمتە و بەشێوەی کاتی تا کۆتایی هاتنی پرۆسەی دادگا لە گرتوخانەی نەغەدە ئەنجام دراوە.
ناوبراو ڕۆژی پێنجشەمە ١٠ی جۆزەردانی ١٤٠٣، لەلایەن هێزە ئەمنیەکان لە پیرانشار دەستبەسەرکرا و بۆ یەکێک لە گرتوخانە ئەمنیەکان لە ورمێ گواسترایەوە. ناوبراو بە کۆتایی هاتنی پرۆسەی لێکۆڵینەوە بۆ گرتوخانەی نەغەدە گواسترایەوە.
تا کاتی نووسینی ئەم ڕاپۆرتە لە هۆکارەکانی دەستبەسەرکران و تۆمەتەکانی دژی ناوبراو زانیارییەک لە بەردەستدا نییە.
