ئێوارەی ڕۆژی دووشەممە ١٥ی ڕەزبەری ١٤٠٢، هێزەکانی هەنگی مەرزی لە نەواری سنووری نەوسوود لە ژمارەیەک کۆلبەریان داو ئازاریان دان کە لە ئەنجامدا لانیکەم دوو کۆلبەر بریندار بوون.
بەپێی ڕاپۆرتی کۆلبەرنیوز، ئێوارەی ڕۆژی دووشەممە ١٥ی ڕەزبەری١٤٠٢، هێزەکانی هەنگی مەرزی لە نەواری سنووری نەوسوود ژمارەیەک کۆلبەریان عەزیەت و ئازار داوە و لە ئەنجامدا لانیکەم دوو کۆلبەر برینداربوون.
تا کات نووسینی ئەم ڕاپۆرتە، هیچ زانیارییەک لەسەر ناسنامەی ئەو کۆڵبەرە بریندارە لەبەردەستدا نییە، کە دەوترێت هەردووکیان خەڵکی شاری جوانڕۆن.
جێگای ئاماژەیە کە لە هەمان کاتدا کۆلبەرێکی دیکە لە سنووری نەوسود لە ئەنجامی لێدان و ئازاردانی لەلایەن هێزەکانی هەنگی مەرزییەوە بە سەختی بریندار بووە، ناسنامەی ئەم کۆڵبەرە “تەیب خوسرەوی” خەڵکی گوندی “تین” لە ناحیەی باینگانی سەر بە شاری پاوەیە. ئەم کۆلبەرە بە “بەرد” لێی دراوە و سمت و دەست و قاچی بریندار بووە، و هەروەها تووشی شکانی “پەراسوەکانی” و “سەر” ی بووە. تەیب خوسرەوی کە ئێستا لە نەخۆشخانەی پاوەیە، پێویستە بۆ نەشتەرگەری سمت بگوازرێتەوە بۆ کرماشان.
بە پشتبەستن بەو ئامارانەی لە ٦ مانگی یەکەمی ساڵی ١۴٠٢دا لە کۆلبەر نیوز تۆمارکراون، بە گشتی ٨۵ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕژیم گیانیان لەدەستداوە . لەم کۆی گشتییە، ١٣ کۆلبەر (١۵%) کوژراون و ۷۲ کۆلبەر (٨۵%) بریندار بوون.
لە کۆی گشتی ئەو ۸۵ کۆلبەرەی کە کوژراون و بریندار بوون، ۷۷ حاڵەت (۹۱%) بەهۆی تەقەی ڕاستەوخۆی هێزە سەربازییەکان بووە.
