جەعفەر ئیسماعیل نەژاد، هاووڵاتی شاری شنۆ بە بارمتەی کاتی لە گرتوخانەی ئەمنی ورمێ ئازاد کرا.
بەپێی ڕاپۆرتی کۆڵبەرنیوز، شەمە ٣ی خەرمانانی ١٤٠٣، جەعفەر ئیسماعیل نەژاد هاووڵاتی شاری شنۆ بە بارمتەی کاتی ٢ ملیار تمەن تا کۆتایی لێکۆڵینەوە لە گرتوخانەی ئەمنی ورمێ ئازاد کرا. بەپێی ئەم ڕاپۆرتە، کوڕەکەی، سروش ئیسماعیل نەژاد، بڕیاری بوو لەم ڕۆژانە ئازاد بکرێت بەڵام تا ئێستا ئازاد نەکراوە.
لە ١٧ی گەلاوێژی ١٤٠٣، ناوبراو لەگەڵ کوڕەکەی لە ماڵەکەیان لە گوندی دەشەمس لە شاری سنۆ، لەلایەن هێزە ئەمنیەکانەوە دەستبەسەرکران.
تا کاتی نووسینی ئەم ڕاپۆرتە لە تۆمەتەکانی دژی ئەم هاووڵاتیانە زانیاریەک لە بەردەستدا نییە.
