“ئیسماعیل مەعروفی” هاووڵاتی دانیشتووی پیرانشار لەلایەن هێزە ئەمنیەکانەوە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ئێوارەی سێشەمە ١٩ی پووشپەڕی ١٤٠٣، “ئیسماعیل مەعروفی” مامۆستای خانەنشینکراو و دانیشتووی پیرانشار لەلایەن هێزە ئەمنیەکانەوە دەستبەسەرکرا و بۆ شوێنێکی نادیار گواسترایەوە. لەم ڕاپۆرتەدا هاتووە؛ پاسەوانانی ئیدارەی ئیتلاعاتی پیرانشار پاش چوونە ژوورەوە بۆ ماڵی ئەم هاووڵاتیە، ناوبراویان دەستبەسەرکرد و بۆ شوێنێکی نادیار گواسترایەوە. هێزە ئەمنیەکان بۆ پشکنینی ماڵەکەی، تەلەفونی ناوبراویان زەوت کرد.
تا کاتی نووسینی ئەم ڕاپۆرتە لە هۆکارەکانی دەستبەسەرکران و تۆمەتەکانی دژی ئەم هاووڵاتیە زانیارییەک لە بەردەستدا نییە.
