چالاکی مەدەنی لەیلا قلوزی خەڵکی شاری کامیاران لەلایەن هێزە ئەمنییەکانی ئەو شارەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆلبەرنیوز، ڕۆژی شەممە ١١ی خەرمانانی ١٤٠٢، لەیلا قلوزی تەمەن ٤٠ ساڵ، چالاکی مەدەنی خەڵکی شاری کامێران، جارێکی دیکە لەلایەن هێزە ئەمنییەکانی ئەو شارەوە دەستبەسەر و بۆ شوێنێکی نادیار گوازرایەوە. لەیلا قلوزی لەگەڵ کوڕە تەمەن ٢٣ ساڵەکەی “داتام هەشادەست” ڕۆژی سێشەممە ٢٩ی گەلاوێژی ١٤٠٢ لەلایەن ئیدارەی ئیتلاعاتی کامیارانەوە دەستبەسەر و بۆ ماوەی چەند کاتژمێر لێپرسینەوەیان لەگەڵدا کرا.
تا کاتی نووسینی ئەم هەواڵە هیچ زانیارییەک لەسەر هۆکاری دەستگیرکردن و تۆمەتەکانی ئەم هاوڵاتییە لەبەر دەستدا نییە.
لەیلا قلوزی و کوڕەکەی داتام هەشادەست ڕۆژی سێشەممە ٢٩ی خەرمانانی ١٤٠١ لە کاتی ناڕەزایەتییە جەماوەرییەکانی کامێران دەستبەسەر و لە ٧ی ڕەزبەری ١٤٠١ هەریەکەیان بە دانانی بارمتەی ١٥٠ میلیۆن تمەن تا کۆتایی پرۆسەی دادگا بە شێوەی کاتی لە زیندان ئازاد کران.
