کاسبکارێکی خەڵکی سەردەشت بەناوی یەعقووب عەباسی، لە یەکێک لە خاڵە سنوورییەکانی بانە بەتەقەی ڕاستەوخۆی
هێزەکانی حکوومەت کوژرا.
بە پێی ڕاپۆرتەکان ئەمڕۆ سێشەممە ٢٩ی خاکەلێوە، کاسبکارێکی خەڵکی گوندی “کۆڵەسەی سەروو” سەر بە شاری سەردەشت بەناوی یەعقووب عەباسی تەمەن ٤٢ ساڵ لە سنووری بانە بەتەقەی ڕاستەوخۆی هێزەکانی حکوومەت کوژرا. شایانی باسە یەعقووب عەباسی لە کاتی هاوردەکردنی ئۆتۆمبێلێکی ڕێگە پێنەدراو لە سنووری “ئاڵووت” لە بانە، لەلایەن هێزە حکوومەتییەکانەوە کراوەتە ئامانج و گورچیلەی پێکراوە و دوای گواسترانەوەی ئەم کاسبکارە بۆ یەکێک لە نەخۆشخانەکانی ئورمیە بەهۆی سەختی برینەکەی و خوێنبەربوونەوە گیانی لەدەست داوە.
