ڕەزا ئەندیشە، هاووڵاتییەکی خەڵکی شاری مەهاباد، دوای یەک مانگ لە دەستبەسەرکردنی بۆ بەندیخانەی ناوەندیی مەهاباد گوازرایەوە.
بەپێی ڕاپۆرتی کۆڵبەرنیوز، ئەمڕۆ یەکشەممە ٢٣ی ڕەزبەری١٤٠٢، ڕەزا ئەندیشە، هاووڵاتییەکی خەڵکی شاری مەهاباد، پاش یەک مانگ لە دەستبەسەرکردنی و هیچ زانیارییەک لەبارەی بارودۆخی ناوبراوەوە، بۆ زیندانی مەهاباد ڕاگوێزرا.
جێگای ئاماژەیە کە بەرەبەیانی ڕۆژی هەینی ٢٤ی خەرمانانی ١٤٠٢، ڕەزا ئەندیشە لەگەڵ ئەشکان فەهیم لە ماڵی خۆیان لە گۆڕەپانی ئیستقلالی ئەم شارە، بەبێ فەرمانی قەزایی لەلایەن هێزە ئەمنییەکانی شاری مەهابادەوە دەستبەسەر و بۆ شوێنێکی نادیار گوازرانەوە.
تا کاتی ئەم ڕاپۆرتە هێشتا هیچ زانیارییەک لەسەر شوێنی ئاشکان فەهیم لەبەردەستدا نییە.
