واحد قادری، کاسبکارێکی خەڵکی سەقز، دوای ڕاوەدوونانی و تەقەی لەلایەن هێزە سەربازییەکانەوە لە خاڵی پشکنینی ناوچەی سنووری “سەرشیو”ی سەقز، گیانی لەدەستدا.
بەپێی ڕاپۆرتی کۆلبەرنیوز، ئێوارەی ڕۆژی شەممە ٢٩ی ڕەزبەری ١٤٠٢، کاسبکارێکی خەڵکی سەقز دوای ڕاوەدوونانی و تەقەی لەلایەن هێزە سەربازییەکانەوە لە خاڵی پشکنینی ناوچەی سنووری “سەرشیو”ی سەقز، گیانی لەدەست دا. ناسنامەی ئەم هاووڵاتییە کوردە بە ناوی “واحد قادری”، تەمەن ٢٣ ساڵ، کوڕی ئەحمەد و خەڵکی سەقز بڵاوکراوەتەوە.
دەوترێت لە ئەنجامی ڕاوەدوونانی و تەقەکردنی لەلایەن هێزە سەربازییەکانەوە ئۆتۆمبێلەکەی ئەم هاوڵاتییە وەرگەڕاوە و لە ئەنجامدا ناوبراو گیانی لەدەستداوە و هاوڵاتییەکی دیکەش بریندار بووە.
بە پشتبەستن بەو ئامارانەی لە ٦ مانگی یەکەمی ساڵی ١٤٠٢دا لە کۆلبەر نیوز تۆمارکراون، بە گشتی ٨٥ کۆلبەر لە ناوچە سنوورییەکان و ڕێگاکانی نێوان ڕێگاکانی پارێزگاکانی ئازەربایجانی ڕۆژئاوا، کوردستان و کرماشان بە هۆی هۆکارەکانی وەک تەقەی ڕاستەوخۆی هێزە نیزامییەکانی ڕێژیم گیانیان لەدەستداوە ، بەفربارین و بەستەڵەک، ڕۆیشتن لەسەر مین. لە کۆی ئەم کۆیە ١٣ کۆلبەر (١٥%) کوژراون و ٧٢ کۆلبەر (٨٥%) بریندار بوون، لە کۆی ٨٥ کۆلبەر کە کوژراون و بریندار بوون، ٧٧ حاڵەت (٩١%) بەهۆی تەقەی ڕاستەوخۆی هێزە سەربازییەکان بووە .
