باران ساعدی، هاوڵاتی شاری سنە لەلایەن هێزە ئەمنیەکانی ئەم شارەوە دەستبەسەر و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، دووشەمە ٢٠ی ڕەشەمەی ١٤٠٣، باران ساعدی، هاوڵاتی شاری سنە لەلایەن هێزە ئەمنییەکانەوە دەستبەسەر کرا. بەپێی ئەم ڕاپۆرتە، دەستبەسەرکرانی باران ساعدی لەلایەن هێزە ئەمنییەکانەوە لە ماڵەکەی خۆیدا و بەبێ بڕیاری دادوەر ئەنجامدراوە.
باران ساعدی، پێشتریش لە ناڕەزایەتیە سەرتاسەریەکانی ١٤٠١، دەستبەسەر و پاش نزیکەی ٢ مانگ بە دانانی بارمتە ئازاد کرابوو.
تا کاتی نووسینی ئەم ڕاپۆرتە، لە شوێنی مانەوە و تۆمەتەکانی دژی باران ساعدی زانیاریەک لەبەردەستدا نییە.
