هەژار سوڵتانی ئازەر، هاوڵاتی شاری بۆکان لەلایەن دادگای شۆڕشی بۆکانەوە بە ٦ مانگ بەندی تەعزیری سزا درا.
بەپێی ڕاپۆرتی کۆڵبەرنیوز، هەژار سوڵتانی ئازەر، هاوڵاتی شاری بۆکان لەلایەن لقی ١٠٤ی دادگای شۆڕشی بۆکانەوە بە تۆمەتی «بانگەشە لە دژی ڕژیم»، بە ٦ مانگ بەندی تەعزیری سزا درا.
ئەم هاوڵاتییە لە ١٥ی ڕەزبەری ١٤٠٣ لەلایەن هێزە ئەمنییەکانی ڕژیمەوە دەستگیر کرا و لە ٢٢ی ڕەزبەردا بە دانانی بارمتە بە شێوەی کاتی لە گرتووخانە ئازاد کرابوو.
