حاسڵ فەقری، هاووڵاتیی تەمەن ٣١ ساڵەی خەڵکی مەهاباد، دوای هێرشی هێزەکانی ئیدارەی ئیتلاعات بۆ سەر ماڵی بنەماڵەکەی، بەبێ هیچ بڕیارێکی دادوەری دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی دووشەممە ٢٣ی خەرمانانی ١٤٠٥، هێزەکانی ئیدارەی ئیتلاعات چوونەتە سەر ماڵی بنەماڵەی حاسڵ فەقری، خەڵکی گوندی «کەهریزەی شێخان» و دانیشتووی مەهاباد، و بەبێ بەڵگەی دادوەری ناوبراویان دەستبەسەر کردووە.
ئەم هاووڵاتییە دوای دەستبەسەرکرانی بۆ شوێنێکی نادیار گوازرایەوە و تا ئێستا هیچ زانیارییەک لەسەر شوێنی ڕاگرتنی لەبەر دەستدا نییە.
تا کاتی ئامادەکردنی ئەم ڕاپۆرتە، هیچ زانیارییەک لەسەر هۆکارەکانی دەستبەسەرکردن، تۆمەتەکانی دژی حاسڵ فەقری و بارودۆخی ناوبراو نییە.
