دیواندەرە؛ دەستبەسەرکردنی توندوتیژانەی دونیا وەیسی هاوکات لەگەڵ مانگرتنی گشتی لە کوردستان

دونیا وەیسی، هاووڵاتیی تەمەن ٣٠ ساڵەی خەڵکی دیواندەرە، هاوکات لەگەڵ مانگرتنی گشتیی خەڵک لە شارەکانی کوردستان لە چوارەمین ساڵوەگەڕی گیانلەدەستدانی ژینا ئەمینی، لەلایەن هێزەکانی ڕژێم دەستبەسەر کرا و بۆ شوێنێکی نادیار گوازرایەوە.

بەپێی ڕاپۆرتی کۆڵبەرنیوز، ڕۆژی چوارشەممە ٢٥ی خەرمانانی ١٤٠٥، دونیا وەیسی دوای چەندین پەیوەندیی تەلەفۆنی لەلایەن ئیدارەی ئیتلاعاتی دیواندەرە، لە نزیک ماڵەکەی خۆی لەلایەن هێزەکانی ڕژێم بە توندوتیژیی دەستبەسەر کرا. بەپێی ڕاپۆرتەکان، ئەم هاووڵاتییە دوای دەستبەسەرکردنی بۆ شوێنێکی نادیار گوازرایەوە و تا ئێستا هیچ زانیارییەک لەسەر چارەنووس و شوێنی ڕاگرتنی لەبەر دەستدا نییە.

دەستبەسەرکردنی دونیا وەیسی لە هەلومەرجێکدا ڕوویداوە کە ئەمڕۆ چوارشەممە ٢٥ی خەرمانان، شارەکانی کوردستان لە چوارەمین ساڵوەگەڕی گیانلەدەستدانی ژینا ئەمینی، شایەدی مانگرتنی گشتی بوون. ئەم مانگرتنە بەدوای بانگەوازی حیزبە سیاسییەکانی کوردستانی ئێران بەڕێوەچوو و ڕاپۆرتە بڵاوکراوەکانیش باس لە دەستپێکردنی مانگرتنی سەرتاسەری لە شارە جیاوازەکانی کوردستان دەکەن.

ژینا ئەمینی، کچی تەمەن ٢٢ ساڵەی خەڵکی سەقز، لە ٢٥ی خەرمانانی ١٤٠١ دوای دەستبەسەرکردنی لەلایەن هێزی ئیرشاد لە تاران گیانی لەدەستدا؛ مەرگی ئەو بووە هۆی دەستپێکردنی ناڕەزایەتییەکی بەربڵاو لە ئێران و دروستبوونی بزووتنەوەی شۆڕشگێڕانەی «ژینا».

هاوکاتبوونی دەستبەسەرکردنی دونیا وەیسی لەگەڵ مانگرتنی گشتی لە کوردستان، نیشاندەری بەردەوامیی گوشار و مامەڵەی ئەمنییە دژی هاووڵاتییان لەم ناوچەیەدا، لە سەروبەند و هاوکات لەگەڵ چوارەمین ساڵوەگەڕی گیانلەدەستدانی ژینا ئەمینیدا.

کۆڵبەرنیوز

Next Post

کامیاران؛ بەردەوامیی بێ‌هەواڵی لە سەعدوڵڵا شەفیعی دوای هەشت ڕۆژ لە دەستبەسەرکردنی

چ سپتامبر 16 , 2026
سەعدوڵڵا شەفیعی، هاووڵاتیی تەمەن ٤٧ ساڵەی خەڵکی کامیاران، دوای بانگهێشتکردنی بۆ بەشی هەواڵگری ئیدارەی ئیتلاعاتی ئەم شارە، دەستبەسەر کرا و بۆ شوێنێکی نادیار گوازرایەوە و بە تێپەڕبوونی هەشت ڕۆژ، هێشتا هیچ زانیارییەک لەسەر بارودۆخ و چارەنووسی لەبەر دەستدا نییە. بەپێی ڕاپۆرتی کۆڵبەرنیوز، ڕۆژی چوارشەممە ١٨ی خەرمانانی ١٤٠٥، سەعدوڵڵا شەفیعی دوای […]

بابەتی پەیوەندیدار