ڕامیار ئەبوبەکری، لاوی ١٦ ساڵ تەمەنی خەڵکی مهاباد و برای زانیار ئەبوبەکری لە گیانبەختکردوانی ناڕەزایەتیە سەرتاسەریەکانی ١٤٠١، لەلایەن هێزە ئەمنیەکانی مهاباد دەستبەسەرکرا و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، پێشبەیانی سێشەمە ١٣ی خەرمانانی ١٤٠٣، ڕامیار ئەبوبەکری، لاوی ١٦ ساڵ تەمەنی خەڵکی مهاباد و برای زانیار ئەبوبەکری لە گیانبەختکردوانی ناڕەزایەتیە سەرتاسەریەکانی ١٤٠١، لەلایەن هێزە ئەمنیەکانی مهاباد دەستبەسەر و بۆ شوێنێکی نادیار گوازرایەوە. بەپێی ئەم ڕاپۆرتە، دەستبەسەری ناوبراو لەلایەن هێزە ئەمنیەکانەوە بەبێ بڕیاری دادگا، بە توندوتیژی لە ماڵەکەیدا بووە.
تا کاتی نووسینی ئەم ڕاپۆرتە، لە هۆکارەکانی دەستبەسەری، شوێنی مانەوە و تۆمەتەکانی دژی ناوبراو زانیاریەک لە بەردەستدا نییە.
زانیار ئەبوبەکری، ٢٢ ساڵان و خەڵکی شاری مهاباد، لە ناڕەزایەتیە سەرتاسەریەکانی خەزەڵوەری ١٤٠١، بە تەقەی گوللە لە مهاباد کوژرا.
