حسێن نیک سەرشت و سینا نیک سەرشت، باوک و کوڕ خەڵکی گوندی ترشکان لە شاری مەهاباد، بە سەرەڕۆیانە لەلایەن هێزەکانی کۆماری ئیسلامی ئێران دەستبەسەرکران و بۆ شوێنی نادیار گوازرانەوە و هێشتا چارەنووسیان نادیارە.
بەپێی ڕاپۆرتی کۆڵبەرنیوز، شەممە ٢٧ بەفرانباری ١٤٠٤، حسێن نیک سەرشت و سینا نیک سەرشت، هاوڵاتییانی خەڵکی گوندی ترشکان، لەلایەن هێزەکانی ئیدارەی ئیتلاعات بەبێ بڕیاری دادوەر دەستبەسەرکران و بۆ شوێنی نادیار گوازرانەوە. بەپێی زانیارییە گەیشتووەکان، تاکاتی بڵاوبوونەوەی ئەم ڕاپۆرتە شوێنی زیندانیی، دۆخی سەلامەتی و هۆکاری دەستبەسەریی ئەم دوو هاوڵاتییە نادیارە.
شایانی باسە هێزەکانی ڕژین هێشتا هۆکاری دەستبەسەریی حسێن و سینا نیک سەرشت ڕانەگەیاندووە و لێکۆڵینەوەکانی بنەماڵەکەیان بۆ چارەنووسیان بێئەنجامە.
