شاهۆ ئیبراهیمی، هاوڵاتی خەڵکی شاری سەقز، لەلایەن هێزەکانی ڕژیم لە بانە دەستبەسەرکرا و بۆ شوێنێکی نادیار گواسترایەوە.
بەپێی ڕاپۆرتی کۆڵبەرنیوز، ڕۆژی یەکشەممە ٢٧ ڕەزبەری ١٤٠٤، شاهۆ ئیبراهیمی، هاوڵاتی خەڵکی شاری سەقز و دانیشتووی گوندی «سبدلو» لە شاری بانە، لەلایەن هێزەکانی ئیتلاعاتی سوپا لە ماڵەکەیدا دەستبەسەرکرا و بۆ شوێنێکی نادیار گواسترایەوە.
بەپێی ئەم ڕاپۆرتە، هێزەکانی ڕژیم بەبێ بڕیاری دادوەر ئەم هاوڵاتییەی دەستبەسەرکردووە.
تا کاتی نووسینی ئەم ڕاپۆرتە، هۆکارەکانی دەستبەسەرکران، تۆمەتەکانی دژی ناوبراو و شوێنی زیندانیکردنی شاهۆ ئیبراهیمی نادیارە.
