عەبدوڵڵا گوڵستانی، هاوڵاتی شاری بۆکان لەلایەن دەزگای دادوەرییەوە بە ٣ مانگ زیندانی تەعزیری سزا درا.
بەپێی ڕاپۆرتی کۆڵبەرنیوز، عەبدوڵڵا گوڵستانی، هاوڵاتی شاری بۆکان لەلایەن لقی ٣ی دادگای پێداچوونەوەی ورمێ بە تۆمەتی «بانگەشە لە دژی ڕژیم»، بە ٣ مانگ و ڕۆژێک بەندی تەعزیری سزا درا. عەبدوڵڵا گوڵستانی، لە ١١ی خەرمانانی ١٤٠٣ لەلایەن هێزە ئەمنییەکانی بۆکانەوە دەستگیر کرابوو. لە ماوەی دەستگیریدا ئەم هاوڵاتییە بەهۆی ئەشکەنجەی سەختی هێزە ئەمنییەکانەوە بڕبڕەکانی کەمەری شکابوون و بۆ نەخۆشخانە گواسترابوویەوە. پاش ماوەیەک بەبێ وەرگرتنی چارەسەری تەواوەتی دووبارە بۆ گرتووخانەی ئیتلاعات گواسترایەوە.
عەبدوڵڵا گوڵستانی، پێشتر لەلایەن دەزگای یاسایی کۆماری ئیسلامی ئێران بە ١١٣ ملیۆن تمەن سزای نەقدی و مانگێک بەندی تەعزیری سزا درابوو. بە پێدانی ئەم بڕە پارەیە و دانانی بارمتەی ملیارێک تمەن بە شێوەی کاتی لە گرتووخانە ئازاد کرابوو.
