هیوا فەیزی، هاوڵاتیی گوندی مەولاناوا سەربە شاری سەقز پاش ٥٥ ڕۆژ دەستبەسەری بە بارمتەی کاتی ٥٠٠ ملیۆن تمەن لە گرتووخانە ئازاد کرا.
بەپێی ڕاپۆرتی کۆڵبەرنیوز ڕۆژی شەممە شەشی ڕێبەندانی ١٤٠٣ هیوا فەیزی، هاوڵاتیی گوندی مەولاناوا سەربە شاری سەقز پاش ٥٥ ڕۆژ دەستبەسەری بە بارمتەی کاتی ٥٠٠ ملیۆن تمەن تا تەواوبوونی دادگاییەکەی لە گرتووخانەی سەقز ئازاد کرا.
هیوق فەیزی، لە ماوەی دەستبەسەریدا لە دەستبەسەرگەی ئەمنی شەهرامفەری سنە لە هەبوونی پارێزەر و بینینی بنەماڵەکەی بێبەش بووە. هیوا فەیزی، لەگەڵ حسێن فیرۆزی ڕۆژی دووشەممە ١٢ی سەرماوەزی ١٤٠٣ لەلایەن هێزە ئەمنییەکانی شاری سەقزەوە دەستبەسەر کران و بۆ شوێنێکی نادیار گواسترانەوە. تا کاتی نووسینی ئەم ڕاپۆرتە هۆکارەکانی دەستبەسەری و تۆمەتەکانی دژی ڕوون نییە.
