ڕۆژی چوارشەممە ٣ی گەلاوێژی ١٤٠٣، کرێکارێکی بیناسازی بە ناوی “سادق دروستکار” بەهۆی کەوتنەخوارەوەی لە بینایەک کە لە قۆناغی دروستکردندا بوو، گیانی لەدەستدا.
بەپێی ڕاپۆرتی کۆڵبەرنیوز، ڕۆژی چوارشەممە ٣ی گەلاوێژی ١٤٠٣، بەهۆی نەبوونی سەلامەتی لە ژینگەی کاردا، کرێکارێکی بیناسازی بە ناوی “سادق دروستکار”، خەڵکی گوندی “دەلەمەرز”ی سەربە شاری مەریوان، ٤٠ ساڵ تەمەن، خێزاندار و خاوەنی دوو منداڵ، لە بینایەکی لە قۆناغی دروستکردندا کەوتە خوارەوە و گیانی لەدەستدا.
ئێران یەکێکە لە وڵاتانی نائەمن لە بواری سەلامەتی کاردا و ساڵانە ژمارەیەکی زۆر لە کرێکاران بەهۆی نەبوونی سەلامەتی لە ژینگەی کاردا تووشی ڕووداو دەبن.
