سەرەڕای تێپەڕبوونی سێ ڕۆژ بەسەر دەستبەسەرکرانی کەبیر گوڵابی هاووڵاتی شاری میاندواو و دانیشتووی شاری مەهاباد لەلایەن هێزەکانی ئەمنی شاری مەهاباد هێشتا چارەنووسی ناوبراو نادیارە.
بەپێی ڕاپۆرتی کۆڵبەرنیوز، ڕۆژی چوارشەمە یەکی گەلاوێژی ١٤٠٤، کەبیر گوڵابی هاووڵاتی تەمەن چل ساڵ و خەڵکی گوندی “جەعفەرئاوا”ی سەر بە شاری میاندواو و دانیشتووی شاری مەهاباد، لەلایەن هێزەکانی ئەمنی شاری مەهاباد دەستبەسەرکرا و بۆ شوێنێکی نادیار گواسترایەوە. سەرەڕای تێپەڕبوونی سێ ڕۆژ بەسەر دەستبەسەرکرانی کەبیر گوڵابی هاووڵاتی شاری میاندواو و دانیشتووی شاری مەهاباد لەلایەن هێزەکانی ئەمنی شاری مەهاباد هێشتا چارەنووسی ناوبراو نادیارە. نەبوونی زانیاری لە دۆخی ئەم هاووڵاتییە بنەماڵەی ناوبراوی نیگەران کردووە.
بەپێی ئەم ڕاپۆرتە هێزەکانی ڕژیم بەبێ بڕیاری دادوەر ئەم هاووڵاتییەی دەستبەسەر کردووە.
تا کاتی نووسینی ئەم ڕاپۆرتە هۆکارەکانی دەستبەسەرکران، شوێنی مانەوە و تۆمەتەکانی دژی ئەم هاووڵاتییە نادیارە.
