بەهۆی نەبوونی ئەمنییەتی کار و دۆخی ناجێگیری کار، کرێکارێک لە شاری مەهاباد بەهۆی کەوتنە خوارەوە لە داربەست گیانی لەدەستدا.
بەپێی ڕاپۆرتی کۆڵبەرنیوز، ڕۆژی دووشەمە پێنجی جۆزەردانی ١٤٠٤، کرێکارێک لە گوندی “قوم قەڵا” لە شاری مەهاباد بەهۆی کەوتنە خوارەوە لە داربەست گیانی لەدەستدا. ناسنامەی ناوبراو ئیبراهیم ڕەسوڵ زادە، تەمەن ٢٤ ساڵ و خەڵکی گوندی “قوم قەڵا” بۆ کۆڵبەرنیوز ڕاگەیەندراوە.
شایانی باسە؛ لە ساڵی ١٤٠٣، لانیکەم ٢٠٤٢ کرێکار بەهۆی ڕووداوەکانی کار گیانیان لەدەستداوە و لانیکەم ١٦١١٣ کرێکار بەهۆی ڕووداوەکانی کار برینداربوون.
ئێران لە بواری ئەمنییەتی کار لەنێو وڵاتانی جیهاندا پلەی ١٠٢ی هەیە کە پلەیەکی زۆر لەخوارەوەیە.
