یەزدان قەنبەری، هاوڵاتی شاری کرماشان سەرەڕای تێپەڕینی ١٧ ڕۆژ بەسەر دەستگیرکردنیدا هێشتا دەستبەسەر و چارەنووسی نادیارە.
بەپێی ڕاپۆرتی کۆڵبەرنیوز یەزدان قەنبەری، هاوڵاتی شاری کرماشان سەرەڕای تێپەڕینی ١٧ ڕۆژ لە کاتی دەستگیرکردنی، هێشتاکەش لە دەستبەسەریدایە و هیج زانیارییەک لەسەر دۆخی ئەو لەبەردەست نییە. ناڕوونی چارەنووسی ئەم هاوڵاتییە، نیگەرانییەکانی بنەماڵەکەی و ئازیزانی ناوبراوی زیاتر کردووە.
یەزدان قەنبەری، لە ٢٨ی ڕەزبەری ١٤٠٣ لەلایەن هێزە ئەمنییەکانەوە بەبێ بڕیاری دادگا لە ماڵەکەی لە ناوچەی کەرناچی لە کرماشان دەستگیر کرا. سەرەڕای بەدواداچوونەکانی بنەماڵەکەی لە ناوەندە ئەمنی و یاساییەکان، بەرپرسانی پێوەندیدار لەبارەی شوێنی مانەوە و دۆخی ئەم هاوڵاتییە هیچ زانیارییەکیان بە بنەماڵەکەی نەداوە. ئەم بابەتە نیگەرانی بنەماڵەکەی و ئازیزانی ئەم هاوڵاتییەی بەدواوە بووە.
تا کاتی نووسینی ئەم ڕاپۆرتە هیچ زانیارییەک لەسەر هۆکارەکانی دەستگیرکردن و ئەو تۆمەتانەی دراونەتە پاڵ ئەم هاوڵاتییە لەبەردەستدا نییە.
