میلاد ڕەشیدی، هاوڵاتییەکی خەڵکی سەقز، لە یازدە ڕۆژ لەمەوبەرەوە لەلایەن هێزە ئەمنییەکانی ئەم شارە دەستبەسەر کراوە.
بەگوێرەی ڕاپۆرتی کۆڵبەرنیوز، هێزە ئەمنییەکانی ڕژیم ڕۆژی چوارشەممە ٩ی خەزەڵوەری ساڵی ١٤٠٣ی هەتاوی، میلاد ڕەشیدی هاوڵاتییەکی خەڵکی شاری سەقزیان لە شوێنی کارەکەی ڕفاندووە.
به پێی ڕاپۆرته بڵاوکراوەکان، ئەم هاوڵاتییە بە تۆمەتی بڵاوکردنەوەی پۆستی پەیوەندیدار به هێرشی ئیسرائیل بۆ سەر ئێران لە لاپەڕەی تاکەکەسی خۆیدا، دەستبەسەر کراوە.
بەدواداچوونەکان بۆ دەستخستنی زانیاری لەسەر چارەنووسی ئەم هاوڵاتییە لەلایەن بنەماڵەکەیەوە تا ئێستا هیچ ئەنجامێکی نەبووە.
