میلاد مستەفەوی، وەرزشوان و ڕاهێنەری سوارچاکی، لەلایەن هێزە ئەمنییەکانی شاری بۆکانەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆلبەرنیوز، پاشنیوەڕۆی ڕۆژی پێنجشەممە ٢٣ی خەرمانانی ١٤٠٢، میلاد مستەفەوی، وەرزشوان و ڕاهێنەری سوارچاکی، لەلایەن هێزە ئەمنییەکانی شاری بۆکانەوە دەستبەسەر و بۆ شوێنێکی نادیار گوازراوەتەوە. بەپێی ئەم ڕاپۆرتە، میلاد مستەفەوی لە بینای وەرزشی شاری بۆکان لەلایەن هێزە ئەمنییەکانی ئەم شارە دەستبەسەر کراوە.
هێزە ئەمنییەکان بەبێ فەرمانی دادگا ئەم هاووڵاتییەیان دەستگیر کردووە و تا کاتی نووسینی ئەم هەواڵە هیچ زانیارییەک لەبارەی شوێنی مانەوە و تۆمەتەکانی ئەم هاوڵاتییە نییە.
