سەجاد سەیدمورادی، ڕەزا ئیبراهیمی، مێهدی حاتەمی و بەهمەن بالوی، چوار هاووڵاتی خەڵکی شاری دێهلوڕان، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرانەوە.
بەپێی ڕاپۆرتی کۆڵبەرنیوز، ڕۆژی یەکشەممە ٢٦ی خەرمانانی ١٤٠٢، مێهدی حاتەمی هاووڵاتیی خەڵکی شاری دێهلوڕان، لەلایەن هێزە ئەمنییەکانی ئەو شارەوە دەستبەسەر و بۆ شوێنێکی نادیار گوازراوەتەوە. ڕۆژی شەممە ٢٥ی خەرمانان، سەجاد سەیدمورادی و ڕۆژی هەینی ٢٤ی خەرمانان، ڕەزا ئیبراهیمی، دوو هاووڵاتیی دیکەی خەڵکی شاری دێهلوڕان لەلایەن هێزە ئەمنییەکانی ئەم شارە دەستبەسەر و بۆ شوێنێکی نادیار ڕاگوێزران.
بەپێی ڕاپۆرتێکی دیکە، ڕۆژی شەممە ٢٥ی خەرمانانی ١٤٠٢، هێزە ئەمنییەکانی شاری ئەراک هەڵیانکوتایە سەر ماڵی بەهمەن بالوی خەڵکی دێهلوڕان و دانیشتوی شاری ئەراک و دەستبەسەریان کردووە و دەستیان بەسەر کەلوپەلی تایبەتی خۆیدا گرتووە، کە بریتین لە کۆمپیوتەر و مۆبایلەکەی.
تا کاتی نووسینی ئەم هەواڵە هیچ زانیارییەک لەبارەی شوێنی مانەوە و تۆمەتی ئەو هاووڵاتییانە نییە.
