سوڵماز حەسەنزادە، خوشکی محەمەد حەسەن زادە، یەکێک لە گیانبەختکردووانی ناڕەزایەتییە سەرتاسەرییەکانی ساڵی ١٤٠١، ڕۆژی چوارشەممە ٥ی ڕەزبەر، لەلایەن هێزە ئەمنییەکانەوە دەستبەسەر و بۆ شوێنێکی نادیار گوازرایەوە.
بەپێی ڕاپۆرتی کۆڵبەرنیوز، ڕۆژی چوارشەممە، ٥ی ڕەزبەری ١٤٠٢، سوڵماز حەسەنزادە، خوشکی محەممەد حەسەنزادە، یەکێک لە گیانبەختکردووانی ناڕەزایەتییە سەرتاسەرییەکانی ساڵی ١٤٠١، لەلایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزرا.
تا ئێستا هیچ زانیارییەک لەبارەی هۆکاری دەستگیرکردن و شوێنی دەستبەسەرکردن و تۆمەتەکانی ئەم هاوڵاتییە نییە.
هەروەها سوڵماز حەسەنزادە، تەمەن ٢٩ ساڵ و خوشکی محەممەد حەسەن زادە، یەکێک لە گیانبەختکردووانی ناڕەزایەتییە سەرتاسەرییەکانی ساڵی ١٤٠١، لە ١٤ی خەرمانانی ١٤٠٢دا لەگەڵ باوکی «ئەحمەد حەسەنزادە» بانگهێشتی ئیدارەی ئیتلاعاتی بۆکان کرا.
جێگای ئاماژەیە کە محەمەد حەسەنزادە، هاووڵاتییەکی تەمەن ٢٨ ساڵەی خەڵکی شاری بۆکان بوو کە ساڵی ڕابردوو لە کاتی ناڕەزایەتییە سەرتاسەرییەکاندا تەقەی لێکرا و لە ٢٥ی خەزەڵوەری ١٤٠١دا گیانی بەخت کرد.
