ڕاستکردنەوەی کۆڵبەرنیوز لەبارەی هەواڵی بڵاوکراوە لەسەر مەهشید فەلاحی

کۆڵبەرنیوز پێشتر لە کاردانەوە بەو هەواڵەی کە سەبارەت بە کوشتنی «مەهشید فەلاحی»، ژنە ڕەگەزگۆڕاوی خەڵکی سنە بڵاوکرابووەوە، تێبینییەکی لە ئیدانەکردنی ئەم کارە و لە بەرگریکردن لە مافەکانی کۆمەڵگەی +LGBTQ بڵاوکردبووەوە.

ئێستا و دوای وەرگرتن و پێداچوونەوەی ڤیدیۆیەکی نوێ کە ڕەسەنایەتییەکەی بۆ کۆڵبەرنیوز سەلمێنراوە، دەرکەوتووە کە مەهشید فەلاحی لە ژیاندا ماوە و ئەو هەواڵەی کە سەبارەت بە گیانلەدەستدانی بڵاوکرابووەوە، ڕاست نەبووە.

کۆڵبەرنیوز وێڕای دەربڕینی خۆشحاڵی خۆی بە زیندوو مانەوەی مەهشید فەلاحی، داوای لێبوردن لە بیسەران و بینەرانی خۆی دەکات بۆ بڵاوکردنەوەی ئەم هەواڵە نادروستە. لە هەمان کاتدا جەخت دەکەینەوە کە هەڵوێستی بنەڕەتیی ئێمە لە بەرگریکردن لە مافی ژیان، ئازادی، کەرامەتی مرۆیی و مافەکانی کۆمەڵگەی +LGBTQ گۆڕانکاری بەسەردا نەهاتووە و هێشتاش هەر جۆرە جیاکاری، توندوتیژی و ڕقایەتییەک دژی ئەندامانی ئەم کۆمەڵگەیە ئیدانە دەکەین.

دەستەی بەڕێوەبەری کۆڵبەرنیوز
٤ی ژوئیەی ٢٠٢٦

کۆڵبەرنیوز

Next Post

جوانڕۆ؛ ئاتیلا عەبدی لەلایەن هێزەکانی ڕژێم دەستبەسەرکرا و بۆ شوێنێکی نادیار گوازرایەوە

ج ژوئن 5 , 2026
ئاتیلا عەبدی، گەنجی خەڵکی شاری جوانڕۆ، لەلایەن هێزەکانی ڕژێم دەستبەسەر کراوە و سەرەڕای تێپەڕبوونی چەند ڕۆژ بەسەر کاتی دەستبەسەرکردنیدا، هێشتا چاره‌نووس و شوێنی ڕاگرتنی نادیارە. بەپێی ڕاپۆرتی کۆڵبەرنیوز، ڕۆژی پێنجشەممە ١٥ی جۆزەردانی ١٤٠٥، ئاتیلا عەبدی، گەنجی خەڵکی شاری جوانڕۆ لە پارێزگای کرماشان، لەلایەن هێزەکانی ڕژێم دەستبەسەر کراوە و بۆ شوێنێکی […]

بابەتی پەیوەندیدار